د نیمروز ولایت د عدلیې ریاست اداري ناسته جوړیدل
د نیمروز ولایت د عدلیې ریاست اداري ناسته د صفرالمظفر د مياشتې په ۳۰ مه نېټه د سهشنبې په ورځ د نیمروز ولایت د عدليې رئیس، مولوي عبدالوارث خلیل په مشرۍ او د یاد ریاست د آمرینو او کارمندانو په ګډون سره جوړه شوه.
په دې ناسته کې د نیمروز ولایت، عدلیې رئیس د یاد ریاست کارمندانو ته د خپلو مسؤولیتونو د اجرا، وخت او حاضرۍ ته د پابندۍ، په وخت د چارو د اجرآ، د اخلاص لرلو، کارمندانو ترمنځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې د عدلیې رئیس په یاد ولایت کې د معاملاتو لارښوونې او موټر پلورنځیو له دفترونو څخه پر نظارت کولو ټینګار وکړ او مسؤولینو ته یې دنده وسپارله چې هره اوونۍ له دغو دفترونو څخه نظارت ترسره کړي.
دغه راز نوموړي د عدلیې ریاست، نورو څانګو ته لارښوونه وکړه چې خپل کاري اجراآت په ټاکل شوي وخت ترسره کړي.
