د نورستان ولایت د ځمکو له غصب څخه د مخنيوي تخنيکي هيئت او د برګمتال ولسوالۍ قومي مشرانو ترمنځ ناسته جوړېدل
د نورستان ولایت د ځمکو د غصب د مخنیوي تخنيکي هيئت د ربیع الثاني د مياشتې په ۷مه د پنجشنبې په ورځ د یاد ولایت برګمټال ولسوالۍ له قومي مشرانو سره د يادې ولسوالۍ د مقام په مقر کې ناسته جوړه کړه.
په یاده ناسته کې تخنیکي هيئت، د ځمکو له غصب څخه د مخينوي او د غصب شويو ځمکو د استرداد مرکزي کمېسيون او د امارتي ځمکو په اړه معلومات ورکړل او زياته یې کړه چې تخنيکي هيئت غصب شوې ځمکې بررسي کوي، شخصي او امارتي ځمکې تفکيک او تشخيص کوي ترڅو عامه حقوق زيانمن نه شي.
همدارنګه د یادې ناسته په ترڅ کې د برګمتال ولسوالۍ لپاره ۴ جریبه وقف شوې ځمکه هم بررسي شوه.
