د ننگرهار عالي لیسه کې د حقوقي پوهاوي ورکوونې برنامې جوړیدل
د ننګرهار ولایت د عدليې ریاست د حقوقي مرستو امریت د جمادي الاول میاشت په ۳۰ نېټه د شنبې په ورځ د ننگرهار په عالي لیسې کې د حقوقي پوهاوي ورکوونې برنامه جوړه کړه.
په دغې برنامه کې، ددغه ریاست حقوقي عامه پوهاوي مدیر لخوا د اسلام سپيڅلي دین له نظره د انسان حقوق او د زعیم له امر څخه د اطاعت په اړه د یادې لیسې زده کوونکو ته پوهاوی ورکړل شو.
دغې برنامه کې د یادې لیسې د دولسم ټولګي ۶۸ تنو زده کوونکو ګډون کړی وو او د یادو موضوعاتو په اړه پوهاوی ترلاسه کړ.
ددغې برنامې پای کې، د یادې لیسې مدیر مولوي امین الله امین له عدلیې ریاست څخه مننه وکړه، هغه زیاته کړه چې ددغه راز برنامو جوړیدل د عامه ذهنیتونو روښانولو کې زیات رول لري.
نوموړي راتلونکي کې ددغه راز برنامو د جوړولو او د لا زیاتو پراختیا غوښتنه وکړه.
