د ننګرهار ولایت له خیریه بنسټونو څخه د ګډ هیئت لیدنه
د ننګرهار ولایت ګډ هیئت د ربیع الثاني میاشت په ۱۲ نېټه د دوشنبې په ورځ د دغه ولایت له خیریه بنسټونو څخه لیدنه وکړه.
دغه هیئت چې په ترکیب کې یې د عدلیې ریاست د انسجام امریت امر او د ولایت د مقام، د ملي امنیت د ریاست، د ننګرهار ولایت د امنیه قوماندانۍ او ددغه ولایت د خیریه بنسټونو د اتحادیې استازي په کې شامل دي، دغه ولایت کې له ۸ خیریه بنسټونو څخه لیدنه وکړه.
یاد هیئت د خیریه بنسټونو اساسنامه، اړونده سندونه، د مرستو د ویش د اندراج کتاب او د هغوی د دفترونو لوازم يې نظارت او بررسي کړل.
ددغې بررسۍ پایله کې د هندار خیریه بنسټ په نوم یو خیریه بنسټ د غیرقانوني فعالیت پر اساس مهرلاک او وتړل شو، او ۲ نور خیریه بنسټونه د رودوال او نیک په نومونو چې فعالیت یې نه درلود یاد هیئت ته استحضاري ورکړه.
د ټاکل شوي پلان له مخې یاد هیئت اوونۍ کې یو ځل په دغه ولایت کې له خیریه بنسټونو څخه لیدنه او بررسي ترسره کوي.
