د ننګرهار ولایت د عدلیې ریاست او د بېلابېلو اتحادیو ترمنځ د همغږۍ ناسته جوړېدل
د ننګرهار ولایت د عدلیې ریاست او په یاد ولایت کې د اصنافو، زرګرانو، بزازانو اتحادیو او نورو بېلابېلو اتحادیو مسؤولینو ترمنځ د همغږۍ ناسته د محرم الحرام د مياشتې په ۳ مه نېټه د سه شنبې په ورځ د دغه رياست په مقر کې جوړه شوه.
د همغږۍ په یاده ناسته کې د ننګرهار عدلیې رئيس مولوي محمد رئيس محمدي د اتحادیو له استازو په خبرو کې د خپلو اتحادیو د اساسنامو مطابق د فعالیتونو ترسره کولو په اړه لازمې توصیې وکړې.
همدارنګه په یاده ناسته کې د اتحادیو استازو هم خپلې ستونزې شريکې کړې چې د عدلیې رئیس له لوري د حل په برخه ډاډ ورکړل شو.
