د ننګرهار ولایت د عدلیې رياست او د یاد ولایت د معاملاتو لارښوونې اتحادیې ترمنځ د همغږۍ ناسته جوړېدل
د ننګرهار ولایت د عدلیې رياست او د یاد ولایت د معاملاتو لارښوونې اتحادیې ترمنځ، د همغږۍ ناسته د ۱۴۴۶ هجري قمري کال د محرم الحرام د مياشتې په لومړۍ نېټه د یکشنبې په ورځ، د ننګرهار ولایت د عدلیې رئيس مولوي محمد رییس محمدي او د اتحادیې مسؤولینو او د یاد ولایت د معاملاتو لارښوونو د یو شمېر استازو په ګډون سره د عدلیې رياست په مقر کې جوړه شوه.
په یاده ناسته کې د ننګرهار ولایت د عدلیې رئيس د معاملاتو لارښوونو استازو ته د کار ښه پرمخ وړلو لپاره په قانوني او اصولي ډول د فعاليتونو ترسره کولو په اړه سپارښتنې وکړې.
همدارنګه په یاده ناسته کې د اتحادیې مسؤولینو او د ننګرهار ولایت د معاملاتو لارښوونو یو شمېر استازو خپلې ستونزې وړاندې کړې چې د عدلیې رياست له لوري یې د حل په موخه ډاډ ورکړل شو.
