د ننګرهار ولایت تخنیکي هیئت په دغه ولایت کې له ځینو غیرقانوني ښارګوټو څخه لیدنه وکړه
د ننګرهار ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۲ نېټه د یکشنبې د هیئت د رئیس او غړو په حضور سره جوړه شوه او هیئت هم په دغه ولایت کې له یو شمېر غیرقانوني ښارګوټو څخه لیدنه وکړه.
یاد شوي هیئت په جلال آباد ښار کې د ښاروالۍ اړوند د شهر کهنه ښارګوټي په اړه بحث وکړ او د هغه له متصرفینو سره یې هم وکتل او د هغوی ستونزې یې واوریدې.
دغه هیئت له ناستې څخه وروسته د شمشاد مېنې، امید آباد، کمپونو، قاسم آباد او سیاه سنګ له ښارګوټو څخه لیدنه وکړه او د هغو حد فاصل یې هم تثبیت کړ.
هیئت د یاد شویو ښارګوټو غیرقانوني متصرفینو ته خبردارۍ ورکړ چې له نویو کارونو، پېرلو او پلورلو څخه ډډه وکړي؛ په غیر د دغه صورت کې به سرغړونکي به عدلي او قضایي ارګانونو ته وروپېژندل شي.
