د ننګرهار د عدلیې ریاست او ښاري ابتدائیه محکمې مسؤولینو ترمنځ د همغږۍ ناسته جوړیدل
د عدلیې ریاست مسؤولینو او د ننګرهار زون د مدافع وکیلانو آمریت مسؤولینو د محرمالحرام د میاشتې په ۱۹مه نېټه، د سهشنبې په ورځ د یاد ولایت د ښاري ابتدائیه محکمې له یو شمېر مسؤولینو سره ناسته جوړه کړه.
په دې ناسته کې د مدافع وکیلانو د چارو د ښه تنظیم، د موجودو ستونزو شریکولو او د اړوندو نورو مسایلو په اړه بحث وشو او د مدافع وکیلانو د آمریت مسؤولینو د ښاري محکمې له مسؤولینو څخه د همکارۍ غوښتنه وکړه.
په ورته مهال په دې ناسته کې د ښاري ابتدائیه محمکې مسؤولینو ژمنه وکړه چې په اړوندو برخو کې مدافع وکيلانو ته لا زیاتې اسانتياوې برابرې کړي او له هغو سره به همکارۍ زیاتې کړي.
