د میدان وردک ولایت چک ولسوالۍ ته د دغه ولایت د تخنیکي هیئت سفر
د میدان وردک ولایت د ځمکو د غصب د مخنیوي تخنیکي هیئت د شوال میاشت په ۱۸ نېټه د دوشنبې په ورځ د دغه ولایت چک ولسوالۍ سفر وکړ او د دغې ولسوالۍ په آزادخیل کلي کې يې له مدعی بها ساحې څخه لیدنه وکړه.
یاد شوي هیئت د دغې ساحې مدعی او مدعی علیه ته استعلام ورکړ او وړاندې شوي سندونه یې په دغې ساحه کې تطبیق کړل. د دغې ساحې مساحت ۷۶۳۷.۵۲۶۶ جریبه مشخص شو او کروکي یې ترسیم شوه.
تخنیکي هیئت د قضيې له لورو څخه وغوښتل چې د یادې قضيې تر وروستۍ پریکړې پورې په یادوې شوې مدعی بها له مالکانه تصرفاتو څخه ډډه وکړي.
