د میدان وردک ولایت د عدلیې ریاست له لوري د یو شمېر عریضې لیکوونکو ارزونه
د میدان وردک ولایت عدلیې ریاست۱۹ تنه عریضه لیکوونکي د ربیع الثاني میاشت په ۲۴ نېټه د شنبې په ورځ ددغه ولایت په مرکز کې ارزیابي کړل.
د میدان وردک ولایت د عدلیې رییس مولوي مطیع الحق عثماني ددغې ارزیابې په لړ کې وویل چې، ددغې ارزیابۍ موخه خلکو ته د خدمتونو وړاندې کول او خپلو مسوولیتونو ته د عریضې لیکوونکو متوجې کول دي.
دغه راز په یاده ارزیابۍ کې ددغه ولایت د عدلیې ریاست د عریضې لیکوونکو له پاره د حقوقي عریضې د لیکلو په اړه مفصل معلومات وړاندې کړل.
په یاده پروسه کې ۱۹ تنو عریضه لیکوونکو ګډون درلود چې له هغوی څخه ۱۲ تنو ارزونه په بریالیتوب سره تېره کړه او ۷ تنه نور بریالي نشول.
