د معاملو د لارښوونې او د عریضې لیکنې د جواز له صادرولو څخه د ۱.۳ میلیونو افغانیو عوایدو راټولول
د افغانستان اسلامي امارت د عدلیې وزارت د انسجام لوی ریاست د تېرې یوې میاشتې په بهیر کې ۱۲۶ تنو غوښتنکو ته د معاملو د لارښوونې او د عریضې لیکنې د فعالیت جواز صادر کړی دی او له دې لارې یې څه د پاسه ۱.۳ میلیونه افغانۍ عواید راټول کړي دي.
په دې موده کې د معاملو د لارښوونې ۸۶ دفترونو ته جواز لیکونه صادر شوي دي چې له دې جملې څخه ۳۱ جواز لیکونه تمدیدي او ۵۵ یې نوي جواز لیکونه دي.
همدا راز دغه ریاست ۴۰ تنو نورو غوښتنکو ته د عریضې لیکنې د فعالیت جواز لیکونه صادر کړي دي چې له دې جملې څخه ۳۵ جواز لیکونه نوي او ۵ نور یې تمدیدي دي.
هغه ټول عواید چې د د غو جواز لیکونو له صادرولو او د سرغړونو په دلیل د معاملو د لارښوونې له دفترونو څخه تر لاسه شوي دي ۱ میلیونو ۳۳۷ زره ۹۰۵ افغانۍ دي چې د اسلامي امارت خزانې ته تحویلې شوي دي.
