د ماشومانواصلاحي او روزنیزو مراکزو کې د کوید ۱۹ ویروس سره د مبارزې په تړاو د عدلیې وزارت د اقداماتو په هکله مطبوعاتي خبرتیا:
کابل- افغانستان: عدلیې وزارت د کوید ۱۹ ویروس سره د مبارزه لپار د ماشومانوو اصلاحي او رونیزو مراکزو کې ګټور فعالیتونه ترسره کړی.
یاد وزارت د کوید ۱۹ ویروس د خپریدو له پیل څخه تر اوسه درې ځلې لازم صحي مواد چې ( ماسک، دستکش او عفوني ضد مایع) پکې شامل وو توزیع کړي او د ماشومانو اوسیدنځایونه یې دوا پاشي کړي. او د دې تر څنګ د ماشومانو سره د هغو د کورنیو حضوري لیدنې د وضعیت تر بیا ښه کیدو پورې پرته له ځینو مهمو استثنايي برخو څخه بندې کړي. د یادونې وړ ده چې د عدلیې وزارت د اصلاحي مراکزو د ماشومانو ساتنې او سالمې روزنې ته ژمن دی. یاد وزارت د خپل مسولیت او امکاناتو په نظر کې نیولو سره د محجوزو ماشومانو ترمنځ د د کرونا ویروس خپریدا د مخنیوي لپاره له هیڅ ممکنه لارې او هڅې څخه دریغ نه کوي.
