د لوګر ولایت د ځمکو د غصب د مخنیوي د تخنیکي هیئت د ناستې جوړیدل
د لوګر ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه او په کې د مهمو موضوعاتو په اړه د بحث سربېره، له خلکو څخه ترلاسه شوي ځیني سندونه بررسي شول.
په دغې ناسته کې، د بشپړ شوو او نه بشپړ شوو دوسیو په اړه معلومات هم وړاندې شول او د چارو د چټکتیا په برخه کې اړوندو مسؤلینو ته لازمې لارښوونې وشوې.
دغه هیئت د مراجعینو له لسګونو تنو سره هم وکتل او د هغوی پر موضوعاتو د دغه هیئت د قانوني اجراآتو په تړاو، هغوی ته ډاډ ورکړل شو.
