د لغمان ولایت د عدلیې، کرنې او نظامې محکمې ریاستونو ترمنځ د همغږۍ ناسته جوړه شوه
د لغمان ولایت د عدلیې، کرنې او نظامې محکمې ریاستونو ترمنځ د همغږۍ ناسته د جمادی الأولی د میاشتې په ۲۱مه نېټه د چهارشنبې په ورځ د نظامې محکمې په مقر کې ترسره شوه.
په دې ناسته کې چې د امارت د قضایاوو آمریت مسؤولینو هم ګډون درلود، د یادو ادارو ترمنځ د همغږیو د پیاوړتیا د څرنګوالي او په اصولي توګه د ستونزو د هوارولو په اړه بحث وشو او د لغمان د عدلیې رئیس، مولوي عبدالستار حماس د یادو ادارو ترمنځ پر زیاتې همغږۍ ټینګار وکړ.
په دې ناسته کې د لغمان د کرنې رئیس او نورو مسؤولینو ډاډ ورکړ چې د کاري ننګونو د حل او په چټک ډول کاري دوسیو ته د رسېدنې په منظور به لازمې همکارۍ او همغږۍ ترسره کړي.
