د فراه ولایت د ځمکو د غصب د مخنیوي د تخنیکي هیئت د ناستې جوړیدل
د فراه ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۱ نېټه د یکشنبې په ورځ د هیئت د رئیس او غړو په حضور سره جوړه شوه
په یاده ناسته کې د فراه مرکز غلامان ساحه کې د ځینو شخصي او امارتي قطعاتو تثبیت او تشخیص په اړه بحث وشو او دغې برخه کې لازم تصمیم ونیول شو.
دغه راز د مرکز خرمالق ساحه کې پر یوې قطعې ځمکې د افرادو او اشخاصو ترمنځ د رامنځته شوې شخړې موضوع بررسي شوه او یادو افرادو او اشخاصو ته استعلامونه وویشل شول.
په دغې ناسته کې د ګلستان ولسوالۍ جنګل بور ساحه د تثبیت او شخیص شوې ځمکې په اړه بحث وشو او پریکړه وشوه چې راتلونکې ناسته کې د موضوع دواړه لوري وغوښتل شي او وروستۍ پریکړه وشي.
تخنیکي هیئت په غلامان ساحه کې د یوې اندازې ځمکې په اړه چې وړاندې تشخیص شوې خو د ځینو خلکو له خوا بیاځل غصب شوې بحث وکړ او پریکړه وکړه چې د هیئت غړي ساحې ته ولاړ شي او خلک له غصب څخه منع کړي.
