د فراه ولایت د ځمکو د غصب د مخنیوي د تخنیکي هیئت د ناستې جوړیدل
د فراه ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۲ نېټه د یکشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د فراه مرکز په غلامان ساحه کې پر یوې اندازه ځمکې د افرادو او اشخاصو د شخړې په اړه بحث وشو او پریکړه وشوه چې هیئت له نږدې د ساحې لیدنه وکړي.
یادې ناسته کې، د شیبکوه ولسوالۍ اړوند د کتمک کاریز موضوع بررسي شوه او پریکړه وشوه چې له اشخاصو څخه د ویشل شویو استعلامونو له راټولولو څخه وروسته دغې برخه کې لازم تصمیم ونیول شي.
