د فاریاب ولایت د ځمکو د غصب د مخنیوي د تخنیکي هیئت ناسته جوړه شوه
د فاریاب ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د شوال د میاشت په ۶ نېټه د چهارشنبې په ورځ د یاد ولایت د مقام د مرستیال الحاج مولوي حمید الله ارشاد په مشرۍ او د دغه هیئت د رئیس او غړو په حضور سره د فاریاب ولایت په مقر کې جوړه شوه.
په دغې ناسته کې، د قیصار او خیبر ولسوالیو د اوسیدونکو تر منځ د ستونزو، د خواجه موسی او شیرین تګاب ولسواليو د اوسیدونکو ستونزې او د فاریاب ولایت د ۱۴ موضوعي ځمکو په اړه بحث او د نظرونو تبادله ترسره شوه.
په دغې ناسته کې، پریکړه وشوه چې تخنیکي هیئت به په نږدې راتلونکې کې د قیصار او خیبر ولسوالیو تر شخړو لاندې ساحې ته ولاړ شي او موضوع به له نږدې څخه بررسي او راپور به یې جوړ کړي.
