د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۱۵ نېټه د یکشنبې په ورځ د هیئت د رئیس او غړو په حضور سره جوړه شوه او په کې د قلعه کهنه ځمکې موضوع، چې د اشخاصو تر دعوا لاندې ده او اړوند سندونه یې بررسي شول او پریکړه وشوه چې دغه موضوع بیاځل محکمې ته واستول شي.
په دغې ناسته کې، د تخنیکي هیئت د غړو او د اړوندو ادارو د استازو په غړیتوب یو ټیم توظیف شو، ترڅو د یو شخص متصرفه ځمکې بیه، حدود، موقعیت او کیفیت مشخص کړي. دغه راز پر یوې ځمکې چې د امارتي توب ګمان په کې موجود دی، د دوو اشخاصو ادعا بررسي شوه او پریکړه وشوه چې یاد شوي اشخاص خپل شواهد او مدارک وړاندې کړي.
