د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د روژې میاشت په ۳ نېټه د شنبې په ورځ ددغه هیئت د رئیس او غړو په حضور سره جوړه شوه او ځیني موضوعات په کې بحث او بررسۍ لاندې ونیول شول.
په دغې ناسته کې، د معلمینو ښارګوټي د ځمکې د مالکیت مدعی غونډې ته حاضر شو او نوموړي ته استعلام ورکړل شو ترڅو د خپل ملکیت د تثبیت له پاره سندونه او مدارک وړاندې کړي.
دغه راز په یاده ناسته کې د فیروز کوه شمال په کاسي کلي کې د پنبه کار ساحې په اړه چې د خدایار، سلطانیار او تاجیک قومونو دعوا لاندې ده، بحث وشو او موضوع د لازیاتو څیړنو په موخه راتلونکې غونډې ته وځنډول شوه ترڅو بررسۍ بشپړې شي.
