د غصب د مخنیوي او د غصب شوو ځمکو د استرداد د کمېسیون د ناستې جوړیدل
د غصب د مخنیوي او د غصب شوو ځمکو د استرداد د کمېسیون ناسته د ربیع الاول میاشت په ۲۷ نېټه د یکشنبې په ورځ په ۱۱ بجو د اسلامي امارت د عدليې وزارت د سرپرست او د یاد کمېسیون رییس شیخ الحدیث مولوي عبدالحکیم شرعي په مشرۍ د چارو په اداره کې جوړه شوه.
په یاده ناسته کې، د کور او ښارجوړولو وزارت سرپرست، د کار او ټولنیزو چارو وزارت سرپرست، د کرنې او اوبو لګولو وزارت معین، د چارو د ادارې لوی رییس، د ریاست الوزراء د دفتر رییس، د سترې محکمې د دارالانشا رییس او د ځمکو د ادارې مسوول ګډون کړی وو.
په دغې ناسته کې، دغصب د مخنیوي او د غصب شوو ځمکو د استرداد په اړه د عالیقدر امیرالمومنین حفظه الله د فرمانونو، او د هغو د تطبیق په څرنګوالي بحث او خبرې وشوې په دغې برخه کې د تطبیق د کار پر پیل لازم تصامیم ونیول شول.
