د غزني ولایت د ځمکو د غصب د مخنیوي تخنیکي هیئت یو شمیر غاصبین ونیول
د غزني ولایت د ځمکو دغصب د مخنیوي تخنیکي هیئت د روژې میاشت په ۱۴ نېټه د چهارشنبې په ورځ د ملا نوح بابا ساحې ته چې د اندړ او واغظ ولسوالیو ترمنځ موقعیت لري سفر وکړ او دغې ساحه کې یې د ځمکو د غصب د مخنیوي په اړه لازم اقدامات ترسره کړل.
دغه ساحه چې د غزني-کندهار په لویې لاره کې موقعیت لري د غاصبینو لخوا غصب شوې او تر دې دمه دوی هڅه کوي ترڅو لازیاته ځمکه غصب کړي.
هیئت چې امنیتي ټیم هم ورسره مل وو، د ساحې هغه غاصبین چې ځانونه یې زورواکي معرفي کړي ول ونیول او له ځان سره یې یوړل. دغه راز په ساحې کار په مطلق ډول ودرول شو.
