د غزني ولایت د مقام او د ځمکو له غصب څخه د مخنيوي تخنيکي هيئت ترمنځ د همغږۍ ناسته جوړیدل
د غزني ولایت د ځمکو له غصب څخه د مخنیوي تخنيکي هيئت د جمادي الثاني د میاشتې په ۲۸ مه نېټه د دوشنبې په ورځ، د دغه ولایت له والي محترم مولوي عبدالصمد جاويد سره وکتل.
په دې کتنه کې چې د تخنيکي هيئت او د ولایت د مقام ترمنځ د لا زياتو همغږيو په موخه ترسره شوه، تخنيکي هيئت د خپلو فعالیتونو په اړه معلومات وړاندې کړل او لاسته راوړنې یې د غزني ولایت له مقام سره شریکې کړې.
دغه راز په دې کتنه کې د غزني والي د یاد هيئت لاسته راوړنې او کړنې وستايلې او له دغه هیئت سره یې د لا زياتو همکاريو ژمنه وکړه.
