د غزني ولایت د عدلیې ریاست اداري ناسته جوړیدل
د غزني ولایت د عدلیې ریاست اداري ناسته، د جمادی الأولی د مياشتې په ۵ مه نېټه د پنجشنبې په ورځ د یاد ولایت د عدلیې رئیس مولوي مطيع الحق عثمان او د یاد ریاست د آمرینو او کارکوونکو په ګډون جوړه شوه.
په دغې ناسته کې، د غزني ولایت د عدلیې رئیس د یاد ریاست کارکوونکو ته د خپلو مسؤولیتونو د ترسره کولو، له نبوي سنتو سره سم د خپل سیرت او صورت برابرولو، په جماعت سره د لمانځه د ادا کولو، د اخلاص درلودلو، د کارکوونکو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
همدارنګه، په دې ناسته کې د غزني ولایت د عدلیې ریاست اجراآتو په اړه د عدلیې وزارت د داخلي پلټنې رياست د راپور په اړه هم خبرې وشوې او د عدلیې رئیس د دغه ریاست له کارکوونکو څخه وغوښتل چې خپلې کاري نيمګړتياوې حل کړي.
په دغې ناسته کې د یاد ریاست آمرینو او کارکوونکو هم خپلې ستونزې او د کاري چارو ښه والي په موخه وړاندیزونه مطرح کړل او هغو ته د رسیدګۍ غوښتونکي شول.
