د غزني ولایت د عدلیې او استیناف محکمې رياستونو ترمنځ د همغږۍ ناسته ترسره شوه
د غزني ولایت د عدلیې رئیس، مولوي مطیع الحق عثمان او ورسره مل پلاوي د ذیالقعدې مياشتې په ۲۹مه نېټه د سهشنبې په ورځ، د یاد ولایت د استیناف محکمې له رئیس، مولوي عزیز الله حیدر سره د استیناف محکمې په مقر کې د همغږۍ ناسته وکړه.
په دې ناسته کې دواړو لورو د مدافع وکیلانو، حقوقي مرستو او د امارت د قضایاوو اړوندو برخو کې د موجودو ستونزو په اړه بحث او خبرې وکړې.
د عدلیې رئیس د یادو ستونزو د حل په برخه کې د استیناف محکمې د همکارۍ غوښتنه وکړه.
په ورته مهال د استيناف محکمې رئیس د یادو ستونزو د حل په برخه کې د هر اړخیزې همکارۍ ډاډ ورکړ او په راتلونکې کې هم د ورته ناستو په جوړیدو ټينګار وکړ
