د عدلېي وزارت وزیر ښاغلې ډکټرعبدالبصیر انور د ازبکستان په جمهوریت د تاشکند دحقوقو د پسرلي په کنفرانس کې ګډون وکړ
د تاشکند د حقوقو د پسرلي په بین المللی کنفرانس کې د عدلېي د وزیرانو، د بین المللي حقوقي سازمانونو د استازو، د بین المللی پوهنتونونو د استادانو او د عدلي او قضایی متخصصینو په ګډون د تاشکند د حقوقو د پسرلي بین المللي کنفرانس د روان کال د غويي د میاشتې له ۵ نیتې څخه تر۷ نیټې پورې د دریو ورځو لپاره د ازبکستان جمهوریت د تاشکند په ښار کې جوړ شو.
پدې کنفرانس کې چې د مدرنیته په لور د چټک خوځښت په پیرۍ کې د حقوقو تر عنوان لاندې جوړ شوی و، ښې حکومتدارۍ، د قانون له واکمنۍ څخه د ډاډ د تر لاسه کولو عدلي اوحقوقي سیستم اصلاحاتو او هم په مدني موضوعګانو کې د منخګړیټوب رول په شان موضوعګانو په باره کې ویناوې او خبرې وشوې.
د عدلېی وزیر د کنفرانس په څنډه د ازبکستان جمهوریت د عدلېی وزیر ښاغلي روسلانبیک دولت اوف عدلېیي وزارت له معین ښاغلې ملیف خدایار، د سنګاپورد عدلېي له وزیر ښاغلې ادوین تانګ، او د امریکا د اختلافاتو د حل بین المللي مرکز له غړي ښاغلي مارک اپل او د پیتسبورګ پوهنتون د بین المللي پرمختیا د برنامې له ریس سره وکتل او خبرې يې وکړې.
هغه د ازبکستان جمهوریت د عدلیې له وزیر سره په کنته کې د دواړو هیوادونو ترمنځ او مجرمینو د استرداد، د انسان له قاچاقو او د مهاجرینو له قاچاقو سره د مبارزې لپاره د ګډو همکاریو او د دواړو هیوادونو وزارتونو د مسلکي کارکوونکو ترمنځ د مسلکي تجربو د شریکولو په شان د موضوعګانو په باره کې بحث او خبرې وکړې.
