د عدلیې وزارت مسلکي معین د بامیان ولایت د عدلیې ریاست څخه لیدنه وکړه
د عدلیې وزارت د مسلکي معین، محترم شیخ الحدیث مولوي عبدالکریم حیدر په مشرۍ د ولایتونو د عدلیې ریاستونو څخه د نظارت په دوام د یاد وزارت پلاوي، د صفرالمظفر د میاشتې په ۲۶مه نېټه د یکشنبې په ورځ بامیان ولایت ته سفر وکړ.
د عدلیې وزارت مسلکي معین او ورسره مل پلاوي د دغه سفر په ترڅ کې د بامیان ولایت د عدلیې ریاست څخه لیدنه وکړه او د دغه ریاست د فعالیتونو او خلکو ته د خدمتونو وړاندې کولو څرنګوالی یې له نږدې بررسي کړ.
محترم شیخ الحدیث مولوی عبدالکریم حیدر در دیدار با مسؤولان وکارمندان ریاست عدلیه بامیان گفت که مسؤولیت بزرگترین امانتی است که باید به اهلش سپرده شود.
محترم شیخ الحدیث مولوي عبدالکریم حیدر د بامیان د عدلیې ریاست له مسؤولینو او کارکوونکو سره په کتنه کې وویل، مسؤولیت هغه ستر امانت دی چې باید اهل ته یې وسپارل شي.
هغه څرګنده کړه چې اوس دا امانت موږ او تاسو ته سپارل شوی، زموږ تر ټولو مهم مسؤولیت ولس ته خدمت کول دي. نوموړي په کاري چارو کې اخلاص، صداقت او د مسؤولیت احساس کولو اهمیت ته هم اشاره وکړه.
همداراز د عدلیې وزارت مسلکي معین د یادې کتنې پر مهال د بامیان د عدلیې ریاست د مسؤولینو کاري ستونزې واورېدې او د ستونزو د هوارولو او د کاري نیمګړتیاوو د لرې کولو په برخه کې لازمې لارښوونې وکړې.
په دې کتنه کې د عدلیې ریاست رئیس او نورو مسؤولینو هم ډاډ ورکړ چې کاري ستونزې به حل او نیمګړتیاوې به لرې کړي او خلکو ته د خدمت کولو په برخه کې به لهپخوا څخه لا زیاتې هلې ځلې وکړي.
ټاکل شوې ده د عدلیې وزارت د مسلکي معین په مشرۍ د یاد وزارت پلاوی د هېواد ټولو ولایتونو ته سفر وکړي او د ولایتونو د عدلیې ریاستونو فعالیتونه او خلکو ته د د دغو ریاستونو د خدمتونو وړاندې کولو څرنګوالی له نږدې بررسي کړي.
