د عدلیې وزارت مسلکي معين د غزني له والي سره وکتل
د عدلیې وزارت د مسلکي معين، محترم شيخ الحدیث مولوي عبدالکريم حيدر په مشرۍ ولایتونو ته د یاد وزارت د پلاوي د سفرونو په لړ کې، یاد پلاوي د ربیعالثاني د میاشتې په درېیمه نېټه د شنبې په ورځ غزني ولایت ته سفر وکړ او د یاد ولایت له سیمه ییزو مسؤولینو سره یې وکتل.
یاد پلاوي د دغه سفر په ترڅ کې د غزني له والي سره وکتل او د غزني ولایت د عدلیې ریاست سره یې د ولایت د مقام او نورو سیمه ییزو ادارو پر همکارۍ ټینګار وکړ.
د عدلیې وزارت پلاوي د دغه سفر په ترڅ کې د غزني ولایت له عدلیې ریاست څخه هم لیدنه وکړه او خلکو ته، د یاد رياست د خدمتونو وړاندې کول یې هم له نږدې بررسي کړل.
دغه راز د عدلیې وزارت مسلکي معین او له هغه سره مل پلاوي د غزني ولایت، عدلیې ریاست له کارمندانو او مسؤولینو سره په کتنه کې، هغوی ته د چارو ښه پرمخ وړلو او خلکو ته د خدمت کولو په برخه کې توصیه وکړه او په دې هکله یې لازمې لارښوونې وکړې.
پلاوي د غزني ولایت د عدلیې ریاست د کارمندانو د فعالیت د څرنګوالي په بررسۍ سره، د کاري نیمګړتیاو لرې کولو په برخه کې هم هغوی ته لازمې توصیې وکړې.
