د عدلیې وزارت مسلکي معين د بدخشان والی سره ولیدل

barekzai_admin
پنجشنبه ۱۴۰۳/۶/۲۲ - ۱۲:۳۰
.

د افغانستان اسلامي امارت د عدلیې وزارت د مسلکي معين، شيخ الحدیث مولوي عبدالکريم حيدر په مشرۍ د یاد وزارت پلاوي د سفرونو په لړ کې، د ربیع‌الاول د میاشتې په ۸ مه نېټه د چهارشنبې  په ورځ بدخشان ولایت ته سفر وکړ.
دغه پلاوي د بدخشان له والي، مولوي محمد ایوب سره وکتل او د عدلیې ریاست سره یې د ولایت د مقام او نورو سيمه ییزو ادارو پر همکارۍ ټینګار وکړ.
همدارنګه، په دې سفر کې مسلکي معين، د بدخشان ولایت د عدلیې له ریاست څخه هم ليدنه وکړه. 
نوموړي د یاد رياست د کارمندانو  د فعاليتونو د څرنګوالي له نږدې څارنه وکړه او هغوی ته د کارونو د ښه پرمخ وړولو په موخه لازمې توصیې او لارښوونې وکړې.
په ورته مهال، د عدلیې وزارت مسلکي معين د بدخشان ولایت له یو شمېر مدافع وکيلانو سره هم ناسته جوړه کړه او د هغوی ستونزې واورېدلې او د حل په موخه يې هغوی ته ډاډ ورکړ.
د عدلیې وزارت پلاوی په پام کې لري چې د عدلیې ریاستونو د فعالیتونو د بررسۍ او د یادو ریاستونو له لارې خلکو ته د خدمتونو د وړاندې کولو د پیاوړتیا په موخه د هېواد نورو ولایتونو ته هم سفر وکړي. له دې وړاندې یاد پلاوی بغلان، تخار او سمنګان ولایتونو ته تللی وو او خلکو ته د یاد ولایت د عدلیې ریاستونو د خدمتونو وړاندې کولو څرنګوالی بررسي کړی وو.

تازه خبرونه

یکشنبه ۱۴۰۴/۱/۳۱ - ۱۵:۳۵
Background image

د عدليې وزير د خصوصي روغتونونو له یو شمېر مسئولینو سره ناسته وکړه

 د اسلامي امارت د عدليې وزير، محترم شيخ الحديث مولوي عبدالحکيم شرعي د يوې ناستې په ترڅ کې د يو شمېر خصوصي روغتونونو له مسئولينو سره وکتل او د بېلابېلو موضوعاتو په اړه يې له هغوی سره. . .

شنبه ۱۴۰۴/۱/۳۰ - ۱۴:۴
Background image

د پکتيا ولایت د عدلیې ریاست اداري ناسته جوړیدل

 د پکتيا ولایت د عدلیې ریاست اداري ناسته، د شوال د میاشتې په ۱۸مه نېټه د چهارشنبې په ورځ د پکتيا ولایت د عدلیې رئیس مولوي فاتح الله فاتح په مشرۍ او د یاد ریاست د آمرینو او کارکوونکو په. . .

شنبه ۱۴۰۴/۱/۳۰ - ۱۳:۵۷
Background image

د لغمان ولایت د عدلیې ریاست او د معاملاتو لارښوونې دفترونو له یو شمېر مسئولينو سره د همغږۍ ناسته جوړیدل

 د لغمان ولایت د عدلیې ریاست او د یاد ولایت د معاملاتو لارښوونې د دفترونو یو شمېر مسئولينو تر منځ د همغږۍ ناسته د شوال د مياشتې په ۱۷مه نېټه د سه شنبې په ورځ، د عدلیې رئیس مولوي. . .

BACK TO NEWS