د عدلیې وزارت د مشرتابه شورا د ناستې جوړیدل
د اسلامي امارت د عدلیې وزارت د مشرتابه شورا ناسته د جمادي الاول میاشتې په ۱ نېټې د چهارشنبې په ورځ د عدليې وزارت د مسلکي معین شیخ الحدیث مولوي عبدالکریم حیدر په مشرۍ او د یاد وزارت د اداري معین مولوي عبدالغني فایق، مرکزي رئیسانو او نورو مسؤلینو په ګډون جوړه شوه.
په دغې ناسته کې د عدلیې وزارت د دعوت او ارشاد ریاست کړنلاره په ماده ییزې بڼې بحث او بررسۍ لاندې ونیول شوه او برخه اخیستونکو خپل اصلاحي نظرونه او وړاندیزونه مطرح کړل. په پایله کې یاده کړنلاره د یو لړ اصلاحي نظرونو او وړاندیزو په وړاندې کیدو سره د تایید وړ وګرځېده.
دغه راز په یاده ناسته کې دعدلیې په وزارت کې د الکترونیکي سیستم جوړیدو په اړه بحث او د نظرونو تبادله وشوه او پریکړه وشوه چې د مخابراتو وزارت په همغږۍ په دغې برخه کې اجراآت ترسره شي.
