د عدلیې وزارت د عامه حقوقي پوهاوي کارکوونکو لپاره زده کړه ییزه برنامه جوړېدل
د عدلیې وزارت د حقوقي مرستو رياست، د محرم الحرام د مياشتې په ۲۶ مه نېټه د سهشنبې په ورځ د یاد رياست د عامه پوهاوي مسلکي غړو لپاره «د اسلامي نظام موخې، ځانګړتياوې او اهميت» تر سرليک لاندې درې ورځنۍ زده کړه ییزه برنامه جوړه کړه.
د برنامې په پيل کې د عدلیې وزارت د حقوقي مرستو رئیس، مولوي جان محمد «محمد طلحه» ګډونوالو لپاره د برنامې موخې تشريح کړې او څرګنده یې کړه، چې دا زدهکړه ییزه برنامه د اسلامي نظام د ارزښت، موخو او ځانګړتياوو په اړه د پوهاوي لوړولو په موخه جوړه شوې ده.
په دې برنامه کې د حقوقي مرستو رياست د عامه پوهاوي ۱۰ تنو مسلکي غړو ګډون درلود او په ترڅ کې یې د اسلامي نظام د ارزښت، اهمیت، موخو او ځانګړتیاوو ترڅنګ د یو شمېر نور اړوندو موضوعاتو په اړه هم معلومات ورکړل شول.
