د عدليې وزیر په افغانستان کې د ترکيې له سفیر سره وکتل او خبرې يې ورسره وکړې
د ۱۳۹۸کال د وږي ۲۶
د افغانستان اسلامي جمهوریت د عدليې وزیر جلالتمآب ډاکتر عبدالبصیر انور په افغانستان کې د ترکيې جمهوریت له سفیر ښاغلي اوزان آرطغرل سره د خپل کار په دفتر کې وکتل او خبرې يې وکړې.
په دې کتنه کې دواړو لورو د دواړو هېوادونو ترمنځ د دوستانه اړیکو په دوام باندې د ټینګار په ترڅ کې د افغانستان د اسلامي جمهوریت د عدليې وزارت او د ترکيې جمهوریت د عدليې وزارت ترمنځ د متقابلو همکاریو په باره کې خبرې يې وکړې.
د هېواد د عدليې وزیر په بیلا بیلو برخو کې له دغو وزارت سره د ترکيې جمهوریت د همکاریو له امله مننه او قدرداني وکړه او له دغه وزارت سره يې د خپلو همکاریو د دوام غوښتنه وکړه.
په کابل کې د ترکيې سفیر ژمنه وکړه چې د ترکيې جمهوریت په حقوقي، سوداګریزو، د انسان د قاچاقو او د مهاجرینو له قاچاقو سره د مبارزې او د مجرمینو د استرداد په برخو کې له دغه وزارت سره خپلې همکاریو پیاوړې کوي
