د عدليې وزير د سن پترزبورګ د نړیوالې حقوقي مجمع په دیارلسمې ناسته کې د ګډون په موخه روسیې ته سفر وکړ
د اسلامي امارت د عدليې وزير، محترم شيخ الحديث مولوي عبدالحکيم شرعي، نن شنبه، د ذیالقعدې د میاشتې په ۱۹مه نېټه د سن پترزبورګ د نړیوالې حقوقي مجمع په دیارلسمې ناسته کې د ګډون په موخه روسیې هېواد ته ولاړ.
په دې حقوقي ناسته کې د بېلابېلو هېوادونو د عدليې وزيران، قضايي مقامات او حقوقي متخصصين برخه اخلي او د اسلامي امارت د عدليې وزير به پهکې د قوانينو د څرنګوالي، په نړیوالو حقوقو کې د اصلاحاتو د اړتیا، د عدالت د تأمين او د نړیوالو تعاملاتو پر وړاندې د اسلامي امارت د دریځ په اړه وينا وکړي.
د نړیوالې حقوقي مجمع دا ناسته د روانې اوونۍ د دوشنبې په ورځ د روسیې د سن پترزبورګ په ښار کې پيلیږي او د درېو ورځو لپاره به دوام ومومي.
