د عدليې وزارت په وېب پاڼه کې د حقوقو د ترلاسه کولو د ډول د قانون شرحه د لاسرسي وړ ده.
د حقوقو د ترلاسه کولو د ډول د قانون شرحه چې په وروستیو کې د عدليې وزارت او د آلمان د همکاریو د دفتر له لوري برابره شوې د عدليې وزارت په وېب پاڼه کې له (pdf) فارمټ سره خپره شوه. لېوال او زده کړیالان کولای شي په لاندې درج شوي لېنک په کښېکاږلو سره دغه کتاب ترلاسه کړي.
د حقوقو د ترلاسه کولو د ډول د قانون شرحه په ۷ فصلونو او ۱۸۲ پاڼو کې برابره شوې او د عدلي او قضايې بنسټونو مسلکي کارکوونکو او د حقوقو او شرعیاتو د څانګو زده کړیالانو سره مرسته کوي ترڅو د دغه قانون احکام او اړوند موارد په تفصيلي ډول مطالعه وکړي.
د دې قانون د شرحې اړتیا له مدني قانون، د مدني محاکماتو د اصولو، د سوداګرۍ قانون، سوداګریزو محاکماتو د اصولو، د شخصیه احوالو د قانون او نورو اړوندو قوانینو سره د هغه د اړیکې په خاطر احساسېده.
نوموړی کتاب له دی ځایه ترلاسه کولای شئ.
