د عدليې وزارت د مرکزي رییسانو د اداري ناستې جوړیدل

د اسلامي امارت د عدليې وزارت د مرکزي رییسانو اداري ناسته د ربیع الثاني میاشت په ۴ نېټه د یکشنبې په ورځ د مسلکي معین شیخ عبدالکریم حیدر په مشرۍ او د مالي او اداري معین مولوي عبدالغني فایق او د عدليې وزارت د مرکزي رییسانو په ګډون د دغه وزارت په مقر کې جوړه شوه.

په دغې ناسته کې، د مدافع وکیلانو د انجمن د مرکزي دفتر کرایي او په زونونو کې د مدافع وکیلانو د دفترونو کرایې، د هغو د ساتونکو معاشونو او باقیاتو، د شمال ولایتونو عدليې ریاستونو ته د هیئت تلل او د رییسانو او ډرایورانو په حاضرۍ کې د تسهیل په اړه بحث او د نظرونو تبادله ترسره شوه.

په یاده ناسته کې، د مدافع وکیلانو د رییس په مشرۍ او د قوانینو د طرحې مسوول، د بشري سرچینو رییس او د مالي او اداري ریاست د استازي په غړیتوب یو هیئت و ټاکل شو چې د مدافع وکیلانو د انجمن مرکزي دفتر کرایې او په زونونو کې د مدافع وکیلانو د دفترونو د کرایې، د هغو د ساتونکو د معاش او باقیاتو په اړه، یو طرحه او د حل لار جوړه کړي او د عدليې وزارت محترم مقام ته یې وړاندې کړي ترڅو شته ستونزه حل شي.

 دغه راز په دغې ناسته کې د شمال ولایتونو د هغو عدليې ریاستونو څخه د نظارت په اړه چې تر اوسه ترې نظارت نه دی شوی پرېکړه وشوه، چې د حقوقي مرستو د رییس مولوي رحمت الله حقاني په مشرۍ او د انسجام ریاست، د داخلي پلټنې ریاست، اداري او مالي ریاست، د تقنین ریاست، د حقوقو ریاست او د امارت د قضایاو لوی ریاست د استازو په غړیتوب یو هیئت د شمالي ولایتونو له عدليې ریاستونو څخه لیدنه او نظارت وکړي