د عدليې وزارت د امارت د قضایاوو لوی ریاست خبرتیا
د مرکز او ولایاتو د معاملاتو د لار ښوونې مالکینو ته خبر ور کول کیږي چې د معاملاتو د اجرأ په وخت کې لاندې نکاتو ته دقت او د معاملاتو د اجرأ په وخت کې یي عملي کړۍ:
د معاملاتو د لار ښوونې مالکین د معاملاتو د اجرأ په وخت کې له دقت څخه کار واخلي ترڅو هغه معامعلات چې د افرادو او اشخاصو په منځ کې تر سره کیږي (ځمکه ، کور ، اپارتمان ، تجارتي کورونه ، دکان ، موټر او داسې نور ) باید اسناد یي په دقت سره وکتل شی که چیرته قانوني او شرعي اسناد د معاملاتو د لارښوونې د قانون د اولې فقرې ۷ مادې مطابق نه وي له دا ډول معاملاتو څخه دې په کلکه ډډه وشی.
که چیرته د پورتنیو جایدادونو د پیر او پلور په وخت کی عامه شتمنۍ او امارتي ملکیت متصور وي او یا د هغوي شک او شبه موجوده وی د معاملاتو د لار ښوونې دفترونه نشی کولاي دا ډول معاملات ترسره کړي.
که چیرته د معاملاتو د لارښوونې دفترونه د پورته ذکرشوو مواردو خلاف معاملې ترسره کړی جواز ترې اخستل کیږي او تر عدلې او قضایې څارنې لاندې نیول کیږی بیا به د شکایت حق نلری .