د سمنګان ولایت د ځمکو د غصب د مخنیوي د تخنیکي هیئت ناسته جوړه شوه
د سمنګان ولایت د ځمکو د غصب د مخنیوي د تخنیکي هیئت ناسته د شوال میاشت په ۲۳ نېټه د شنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې د هیئت غړو د ایبک ښار د نوآباد آقمزار ساحه کې د ۷۴ جریبه ځمکې د تشخیص او تثبیت په تړاو بحث او خبرې وکړې.
په همدې توګه یاد هیئت پریکړه وکړه چې د یادې ساحې په شاوخوا کې د ۵۹ جریبه ځمکې موضوع چې د غاصبینو لخوا د نمرې په شکل ویشل شوې او غیرپلاني د استوګنې کورونه په کې جوړ شوې، ورته رسیدګي وشي او راپور يې د معلوماتو له بشپړولو څخه وروسته مرکزي کمېسیون ته واستول شي.
