د سمنګان ولایت د ځمکو د غصب د مخنیوي د تخنیکي هیئت د ناستې جوړیدل
د سمنګان ولایت د ځمکو د غصب د مخنیوي د تخنیکي هیئت ناسته د شوال میاشت په ۳۰ نېټه د شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب د مخنیوي په اړه په کې بحث وشو او دغې برخه کې عملي اقدامات هم ترسره شول.
یاد شوي هیئت د سمنګان د مرکز د آقمزار په نو آباد کې د ۳۹.۷۵ جریبه ځمکې په اړه چې د ساحې د اوسیدونکو او یو شمېر نورو اشخاصو تر دعوا لاندې ده، بحث وکړ او لازم تصمیمونه یې ونیول.
دغه راز تخنیکي هیئت یاده شوې ساحه سروې او بررسي کړه او د دعوا دواړو لورو ته یې معلوماتي استعلامونه وویشل.
