د سرپل ولایت د ځمکو د غصب د مخنیوي د تخنیکي هیئت ناسته جوړه شوه
د سرپل ولایت د ځمکو د غصب د مخنیوي د تخنیکي هیئت ناسته د شوال میاشت په ۱۹ نېټه د سه شنبې په ورځ د دغه هیئت د رئیس او غړو په حضور سره جوړه شوه او د کوهستانات په ساحې کې د یو شخص په وړاندې د نورو اشخاصو د ادعا دوسیه په کې بررسي شوه او پریکړه وشوه چې د هوا په مناسب کیدلو سره هیئت له نږدې څخه ساحه بررسي کړي.
په دغې ناسته کې، د چشمه شرین د اوسیدونکو دوسیه هم بررسي شوه او یو ټیم موظف شو ترڅو له نږدې د ساحې څخه لیدنه او بررسي کړي او اړوند سندونه تطبیق کړي.
وروسته د هیئت یو ټیم د ساحې د بررسۍ په منظور قشقري کلي ته ولاړ او اجراآت یې ترسره کړل. دغه راز کوهستانات کې د دوو تنو لخوا د ۱۵۰ زره جریبه ځمکې د پلورلو موضوع بررسي شوه او پریکړه وشوه چې هیئت د هوا په مناسب کیدلو سره یادې ساحې ته سفر وکړي او غاصبین هم احضار شي.
دغه هیئت ځیني موضوعات ځانګړې محکمې او د حقوقو ادارې ته راجع کړل او په همدې توګه د یوې بلې دوسیې په اړه يې پریکړه وکړه چې د وروستي تصمیم نیولو له پاره مرکزي کمېسیون ته واستول شي.
