د زابل له عدلیې ریاست څخه د عدلیې وزارت د پلاوي لیدنه
د ولایتونو د عدلیې ریاستونو د څارنې او څېړنې په دوام، د مفتي فضل هادي صاحب زاده په مشرۍ د عدلیې وزارت پلاوي د ۱۴۰۱ د وري په ۱۰ مه نېټه زابل ولایت ته سفر وکړ او د دې ولایت له عدلیې ریاست څخه ليدنه وکړه.
دغه پلاوی چې د عدلیې وزارت د نورو ریاستونو رئیسان او استازي په کې هم شامل دي د زابل د عدلیې ریاست بېلا بېلې برخې او د دې ریاست د کارکوونکو د اجراآتو څرنګوالی و ارزوه.
همداراز یاد پلاوي د عدلیې ریاست له کارکوونکو او مسوولینو سره ولیدل او د هغوی ستونزې یې واورېدې او د هغو د حل په برخه کې لازمې سپارښتنې وکړې
