د دایکندي ولایت د تخنیکي هیئت ناسته جوړه شوه
د دایکندي ولایت د ځمکو د غصب د مخنیوي د تخنیکي هیئت ناسته د شعبان میاشت په ۲۰ نېټه د یکشنبې په ورځ ددغه هیئت د رئیس او غړو په حضور سره جوړه شوه او د مرکز ولسوالۍ د لزیر ساحې د کرنې د ریاست د حقوقي دعوا دوسیه چې تخنیکي هیئت ته استول شوې، بررسي شوه او تصمیم ونیول شو چې ددغې ساحې بررسۍ د تخنیکي هیئت د رئیس راتګ پورې وځنډول شي.
په مهاجرین ښارګوټي کې د مخابراتي آنتن د یوې پايې راپور ناستې ته وړاندې شو او پریکړه وشوه چې قضیه په هر اړخیز ډول بررسي شي او د تثبیت یا د راتلونکو اجراآتو په اړه به یې وروسته تصمیم ونیول شي.
د شهرستان ولسوالۍ بند بولان ساحې کې د ځمکو د ادارې د تخنیکي آمریت راپور هم بررسي شو او په اړه پریکړه وشوه هغه اشخاص او افراد چې امارتي ساحې یې تصرف کړي جلب کړل شي او څېړنې ترسره شي.
