د دایکندي ولایت د تخنیکي هیئت ناسته جوړه شوه
د دایکندي ولایت د ځمکې د غصب د مخنیوي د تخنیکي هیئت ناسته ددغه هیئت د رئیس او غړو په حضور سره جوړه شوه.
په دغې ناسته کې د کرونا روغتون شمال کې د دلدول قضیې په اړه بحث وشو او ددغې ساحې تصرف لاندې ځمکو په اړه د ځمکو د چارو د تخنیکي آمریت لخوا د دقیقې بررسۍ په اړه پریکړه وشوه.
په دغې ناسته کې، په مهاجرینو ښارګوټي کې د یوې مخابراتي پايې په اړه هم بحث وشو او پریکړه وشوه چې هیئت له نږدې څخه ساحه بررسي کړي.
یاد هیئت د بغده مرده کلي په اړه د مرکزي کمېسیون د لیک په تړاو هم بحث وکړ او پریکړه يې وکړه چې د ځمکو د چارو تخنیکي آمریت بیاځل ساحه په دقیق ډول بررسي کړي او راپور يې هیئت ته وړاندې کړي.
