د خوست ولایت د ځمکو د غصب د مخنیوي د تخنیکي هیئت د ناستې جوړیدل
د خوست ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۱۵ نېټه د یکشنبې په ورځ د دغه هیئت د رئیس او غړو په حضور سره جوړه شوه.
یاد شوي هیئت د اسماعیل خیل مندوزي او صبرۍ ولسوالۍ د کلیو او د نورو ساحو له اوسیدونکو سره په جلا توګه د هغوی اړوندو موضوعاتو او سندونو په تړاو بحث وکړ چې دغو برخو کې به لازم تصمیمونه ونیسي.
دغه هیئت پریکړه وکړه چې یو شمېر اشخاص راتلونکې غونډې ته د هغوی له سندونو سره و غوښتل شي او په همدې توګه د اهمو دوسیو ترتیب په اړه او مرکزي کمېسیون ته یې د راپورونو استولو په اړه بحث وکړ.
په همدې توګه یاد شوي هیئت د خوست ولایت مرکز د غړومبي اړوندې ساحې څخه هم لیدنه او نظارت ترسره کړ.
