د خوست ولایت د تخنیکي هیئت د ناستې جوړیدل او د یاد ولایت له والي سره کتنه
د خوست ولایت د ځمکو د غصب د مخنیوي د تخنیکي هیئت، د ذوالقعدې د میاشت په ۸ نېټه د یکشنبې په ورځ د دغه هیئت د رئیس او غړو په حضور سره جوړه شوه او یاد شوي هیئت د اسمعیل خیل مندوزۍ ولسوالۍ د څړبني ساحې اوسیدونکو او د صبرۍ ولسوالۍ د چیني کلي له اوسیدونکو سره په جلا ډول وکتل او له هغوی سره یې د هغوی د موضوع په اړه بحث او خبرې وکړې او په اړه یې لازم تصمیمونه یې ونیول.
تخنیکي هیئت له غوڼدې څخه وروسته د دغه ولایت له والي سره وکتل او د امارتي ځمکو په تړاو يې د بېلابېلو موضوعاتو په اړه بحث او خبرې وکړې. هیئت خپلې ستونزې له والي سره شریکې کړې او د خوست والي دغو برخو کې د همکارۍ ژمنه وکړه.
ورپسې یاد هیئت د اسمعیل خیل مندوزۍ ولسوالۍ خیرالناس کلي ته ولاړ او د دغه کلي په امارتي قطعو کې تصرفات منع کړل او متصرفینو ته یې لارښوونه وکړه چې خپل سندونه هیئت ته وسپاري.
یاد شوي هیئت له عملي اجراآتو څخه وروسته غوڼده جوړه کړه او د بېلابېلو موضوعاتو په اړه یې اوږد بحث وکړ او پریکړه یې وکړه چې راتلونکې ورځ صبرۍ ولسوالۍ ته سفر وکړي او د امارتي ځمکو د تفکیک او تر اجارې لاندې ځمکو د قرادادونو په اړه لازم اجراآت ترسره شي.
