د جوزجان ولایت د ځمکو د غصب د مخنیوي د تخنیکي هیئت ناسته جوړه شوه
د جوزجان ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۸ نېټه د یکشنبې په ورځ د دغه هیئت د رئیس او غړو په حضور سره جوړه شوه او د جوزجان د مرکز په لیلي دښتې کې د جګدلیک او سنګریک ساحو د غصب شویو ځمکو د بررسیو بشپړ شوي راپورونه په کې وړاندې شوو او تایید شول. ټاکل شوې ده دغه راپور مرکزي کمېسیون ته واستول شي.
یاد شوي هیئت د امنیه قوماندانۍاستازي ته په امارتي ځمکو کې د تاسیساتو جوړولو او تصرفاتو څخه د مخنیوي او عامه څړځایونو کې د وښو پلورلو د مخنیوي په برخه کې لازمې لارښوونې وکړې.
په دغې ناسته کې، د څو کلیو او بېلابېلو ساحو په اړه د موظف شويو ټیمونو راپور وړاندې شو. له دغه راپور سره سم پر جوی وزیر، کوکلداش کلیو او دغه راز د افغانګاز تصدۍ د استوګي پروژې د ساحې غصب شوي امارتي ځمکو څېړنې بشپړې شوي او اداري او حقوقي کارونه یې هم د بشپړېدلو په حال کې دي چې ډیر ژر به وروستي شي او راپور به یې مرکزي کمېسیون ته واستول شي. پر پاتو ساحو کار ادامه لري.
