د جوزجان ولایت د ځمکو د غصب د مخنیوي د تخنیکي هیئت ناسته جوړه شوه
د جوزجان ولایت د ځمکو د غصب د مخنیوي د تخنیکي هیئت ناسته د شوال میاشت په ۲۵ نېټه د دوشنبې په ورځ د دغه هيئت د رئیس او غړو په حضور سره جوړه شوه.
په دغې ناسته کې، پمپ خانه او جوی غفور کلیو کې د یو شخص د وارثینو او د افغانګاز تصدۍ د ادارې ترمنځ د شخړې لاندې ځمکې په تړاو د یاد هیئت د سکرتریت راپور وړاندې شو او د تایید وړ وګرځید او پریکړه وشوه چې یاد راپور مرکزي کمېسیون ته واستول شي.
په دغې ناسته کې، توظیف شويو ټیمونو هم پر ۱۰ کلیو او بېلابېلو ساحو د خپل د اجراآتو راپور وړاندې کړ. د دغه راپور پر اساس د جوی وزیر، کوکلداش کلیو او د افغان ګاز تصدۍ پروژې ساحوي څېړنې او بررسۍ بشپړې شوي او حقوقي، انجنیري او اداري کارونه یې د بشپړېدلو په حال کې دي.
د پاتې ساحو بررسۍ روانې دي او هیئت لارښوونه وکړه چې پر یادو ساحو کار په جدیت او دقت سره تعقیب شي.
