د جوزجان ولایت د عدلیې ریاست او خیریه بنسټونو ترمنځ د همغږۍ ناسته جوړیدل
د جوزجان ولایت د عدلیې ریاست او خیریه بنسټونو ترمنځ د همغږۍ ناسته د عدلیې رئیس، مولوي امرالله مصلح او د دغه ریاست د نورو مسؤولینو په ګډون سره جوړه شوه.
په دې ناسته کې چې، د جمادي الثاني د میاشتې په ۱۷ مه نېټه د پنجشنبې په ورځ جوړه شوه، په دې ولایت کې راستنېدونکو مهاجرینو ته د خیریه بنسټونو په واسطې د ژمي په موسم کې د بشردوستانه مرستو د ویشلو څرنګوالي په اړه خبرې وشوې.
په یاده ناسته کې د جوزجان ولایت د عدلیې ریاست مسؤولینو د خیریه بنسټونو ترمنځ پر لازیاتې همغږۍ ټینګار وکړ. یادو بنسټونو مهاجرینو او راستنېدونکو ته د بشردوستانه مرستو رسولو او د همغږۍ د پیاوړتیا په برخه کې ژمنه وکړه.
دغه راز په دې ناسته کې د جوزجان ولایت د خیریه بنسټونو د اتحادیې د سندونو د مراحلو تېرولو په اړه هم خبرې وشوې.
