د تېرې یوې میاشتې په ترڅ کې نږدې د ۶۹ زره جریبه امارتي ځمکې استرداد
د هیواد په ۸ ولایتونو کې د ځمکو د غصب د مخنیوي تخنیکي هیئتونو د ۱۴۴۵ هجري قمري کال د ربیع الاول د میاشتې په اوږدو کې کابو ۶۸ زره او ۹۱۴.۳۷۵ جریبه ځمکه له بررسۍ او تثبیت څخه وروسته استرداد کړې او اړوندو ادارو ته یې تسلیم کړې ده.
دغه راز د ځمکو د غصب د مخنیوي تخنیکي هیئتونو د هیواد په ۲۰ ولایتونو کې د یادې میاشتې په اوږدو کې کابو ۱۳۶ زره او ۶۵۸.۹۰۱ جریبه ځمکه، تثبیت کړې او کابو ۳۷۱ زره او ۱۴۷.۸۲۴ جریبه نوره ځمکه هم په ولایتونو کې تر بررسۍ لاندې نیولې ده. د وروستۍ میاشتې په اوږدو کې تر ټولو زیاتې استرداد شوې ځمکې په میدان وردک، زابل او کندهار ولایتونو کې موقعیت لري.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د زرګونو جریبو غصب شویو امارتي ځمکو دوسیې، د ولایتونو د ځمکو د غصب د مخنیوي تخنیکي هیئتونو تر بررسۍ لاندې دي.
