د بغلان ولایت د عدلیې ریاست اداري ناسته جوړه شوه
د بغلان ولایت د عدلیې ریاست اداري ناسته د ذیالحجې د مياشتې په ۴مه نېټه د یکشنبې په ورځ، د یاد ولایت د عدلیې رئيس او د ۱۵ ولسوالیو د امارت د قضایاوو د مديرانو په ګډون جوړه شوه.
د بغلان ولایت د عدلیې رئیس په دې ناسته کې یادو مديرانو ته د خپلو مسؤوليتونو د ترسره کولو، وخت او حاضرۍ ته د پابندۍ کولو، د اخلاص درلودلو، له مراجعینو سره د ښه چلند کولو، د اسلامي شریعت او نافذه قوانينو په رڼا کې د عامه او امارتي املاکو څخه د دفاع کولو او نورو مواردو په اړه لازمې توصیې وکړې.
په دې ناسته کې مديرانو هم خپلې ستونزې او د کاري چارو ښه والي په منظور وړاندیزونه مطرح کړل او هغو ته د رسیدګۍ غوښتونکي شول.
