د بامیان ولایت د عدلیې ریاست د اداري ناستې جوړیدل
د بامیان ولایت د عدلیې ریاست اداري ناسته د ربیع الثاني میاشت په ۷ نېټه د چهارشنبې په ورځ د عدليې رییس په مشرۍ او د دغه ریاست د امرینو او کارکوونکو په ګډون د عدليې وزارت په مقر کې جوړه شوه.
په دغې ناسته کې چې د کلام الله مجید د څو ایاتونو په تلاوت سره پيل شوه، د عدليې ریاست د دغه ریاست له کارکوونکو څخه وغوښتل چې رسمي وختونو ته پابند اوسي او په ټاکل شوي وختونو خپلو دندو ته حاضر شي او خپل حاضري په وخت سره لاسلیک کړي.
په یاده ناسته کې، د عدليې رییس د دغه ریاست کارکوونکو له پاره توصیه وکړه چې د عدليې ریاست د نظافت او پاکۍ په ساتنه کې دقت وکړي او د بریښنا په لګښت کې سپما وکړي. دغه راز له هغوی څخه یې وغوښتل چې خپل لمونځونه په جماعت سره ترسره کړي.
په دغې ناسته کې د عدليې رییس د دغه ریاست د کارکوونکو ستونزې او وړاندیزونه واوریدل او هغوی ته یې ډاډ ورکړ چې د وړاندیزونو د پوره کولو او د ستونزو د حل په برخه کې به له هیڅ ډول هلو ځلو څخه ډډه و نه کړي.
