د بادغیس ولایت د عدلیې ریاست د اداري ناستې جوړیدل
د بادغیس ولایت د عدليې ریاست اداري ناسته د جمادي الاول میاشت په ۲۴ نېټه د یکشنبې په ورځ د عدليې رییس الحاج ملا عبدالرازق مرزوقي په مشرۍ او ددغه ریاست د آمرینو او کارکوونکو په ګډون جوړه شوه.
دغه ناسته، د کلام الله مجید د آیاتونو په تلاوت سره پیل شوه. ورپسې د عدليې رییس د موضوع په اړه خبرې وکړې او ددغه ریاست کارکوونکي یې د با کیفیته خدمتونو او خلکو ته په صادقانه ډول د خدمت کولو په اړه سپارښتنه وکړه.
دغه راز نوموړي ددغه ریاست کارکوونکو ته توصیه وکړه چې اصولو او مقرراتو ته پابنده اوسي او له ښې همغږۍ سره خلکو ته خدمت وکړي او د خلکو پر وړاندې خپل مسوولیت ادا کړي.
په دغې ناسته کې، د عدليې ریاست کارکوونکو خپل کاري ستونزې هم ددغه ریاست له رییس سره شریکې کړې او د هغو د حل په برخه کې لازم تصمیمونه ونیول شول.
